कला-साहित्य
मूआ भइया

युग जागरण न्यूज़ नेटवर्क
कफ्फन फोकट क लक्कड़ बेपइसा
खब्बर नाहीं ई अइसा- वइसा
मुफ्त चिता सरकार फुंकवइया
मूआ भइया
आजु नाहीं त काल मू जइबा
गोदा अस तू भाय चू जइबा
मिलीहैं की ना तब उठवइया
मूआ भइया
बड़को अइहैं छोटको अइहैं
लक्कड़ दे के फोटू खिंचवइहैं
त अंगुरी चबा ली देखवइया
मूआ भइया
मुअला क सुख दुन्ना हो जाई
लइका मेहर क बढ़ी कमाई
जे होखा भाय नोकरहिया
मूआ भइया
मुह बन्हले ना तू मरे पइबा
न धरी कोरोना त पछतइबा
मुंह जाबा फेंकि नाचा थइया
मूआ भइया
नेता टेरि- टेरि गोहरइहैं
खबरी सरगे ले पोंकियइहैं
आजु ना त तू मुअबा कहिया
मूआ भइया
डॉ एम डी सिंह




