युग जागरण न्यूज़ नेटवर्क
छोड़िए दऽ बेदर्दी डगरिया हमारी,
रहिया जोहत होइहंऽ बाप-महतारी।
सबेरे हम पढ़े बदे घर से निकरलीं,
जाने केकर मुंह देखीं,यहां फंसि गईलीं।
हम नाहीं जानित काव तोहरा बिगारी,
रहिया जोहत होइहंऽ बाप-महतारी।
तोहरे बहिन सम हमहूं बहिनियां,
भइया संगें चमकत रहलीं बनके किरिनियां,
उनके पता नाहीं,भेंटइलंऽ व्यभिचारी,
रहिया जोहत होइहंऽ बाप-महतारी।
एतना कुकर्म करके काव तू पउला ,
माई-बापू के अपने,कोंख लजवउला।
बहिनी के राखी पर पोतला करियारी,
रहिया जोहत होइहंऽ बाप-महतारी।
जिनगी के हमरे माटी में मिलवला,
कुलवा के हमरे अन्हार कै दिहला।
सबके आछत हम भइली दुखियारी,
रहिया जोहत होइहंऽ बाप-महतारी।
कहां जाईं? कइसे के केहू के बोलाईं,
काहें नाहीं आवत बाटीं,लजिया बचाईं।
कबसे पुकारत हईं,तोहकें मुरारी,
रहिया जोहत होइहंऽ बाप-महतारी।
छोड़ि दऽ बेदर्दी डगरिया हमारी।
अनुपम चतुर्वेदी,सन्त कबीर नगर, उ०प्र०
