युग जागरण न्यूज़ नेटवर्क
छत्तीसगढ़ ल कइथे सुग्घर ,धान के कटोरा ,
तीज तिहार होथे सुग्घर, हरेली तीजा-पोरा ।
बाबू मन के गेड़ी ,नादिया बइला नाथे डोरा ,
नोनी मन खेलय सुग्घर, जावता – पोरा ।
मया- पिरीत के हे ,इहां फुलवारी ,
मिलथे जिहां सुग्घर, संगी -संगवारी ।
दाई दीदी बहिनी मन के, मइके के आसरा ,
मिलथे जिहां मया-दुलार, दाई के सुग्घर कोरा ।
करु भात ख़ाके सुग्घर, रइथे तीजा उपास ,
मन के मनवाती पाथे, रइथे मन म विश्वास ।
मइके के चिन्हा पाथे ,कइथे तीजा के लुगरा ,
ददा के दुलार अऊ ,दाई के मया के अछरा ।
डोमेन्द्र नेताम “डोमू”
मुण्डाटोला डौण्डीलोहारा
जिला- बालोद (छ.ग.)
