युग जागरण न्यूज़ नेटवर्क
कईसन बीती रात हमारी
इह तुमका बतलाय रहेन ,
चपला रानी चली गई
तब पंखा हमउ डुलाय रहेन |
जेड़ महीना आवा जबे
तार मरम्मत हेरि रहेन ,
दफ्तर बिजलिन कर्मिन कउ
अब हमउ थोड़ गरियाय रहेन |
जब मच्छर घूमि घूमि काट्यं
ईहां-उहां खुजराय रहेन ,
अंग्रेजी-देसी करि उपाय
मच्छर का पहुड़ाय रहेन |
चली बयारि मध्यम-मध्यम
हमउ थोड़ अवघायं लिहेन ,
निशीथ-त्रियामा पहर न बीत
उई दावत खूब उड़ाय लिहेन |
तब चपला चमक के आई गई
हम बिस्तर लईके भागि गईन,
वो चकमा दईक फसाय गई
अब पैर फंस गवा घटिका मा |
जब खनक खनक आवाज उठे
समुझे सब कोउ चोर घुसि गवा,
का बाकी सब जुलम ढ़ई गवा
हम बप्पा बप्पा बोलि तो थे |
उई जाने दरद कराहत है
फिरि लेक्चर बाजी खूब भई ,
राम भवा बतिया अा गई
सब पूछे तुम कहाँ रहि गवा |
इह रहेत खाट सुईते बप्पा
घरिमा आपन चोरि हुई गवे ,
घुड़िया-घुड़वा,गदहा-गदही
न जाने का बेच सुई गवा |
फिरि ठन ठन बाजे लागि अइस
हाय! सबते का जुलम हुई गवा,
तुम बप्पा-बप्पा बोलि हिते
हम जाने चोर कराहत है |
अब चद्दर तानिके सोई रहेन
मुर्दा न समुझिक तोप दिहो ,
उषा काल भई जग मे तब
मुर्गवा बांग जगावति है |
कईसन बीत रात हमारी
येह तन जग बतलवात है,
जईस बितें रातें जिनकी
यो कबि कुमार बतलवात है |
कवि कुमार प्रिंस रस्तोगी
लखनऊ उत्तर प्रदेश …
